തദ്ദേശ സ്ഥാപനങ്ങളിലെ ജനപ്രതിനിധികൾക്കും ഉദ്യോഗസ്ഥർക്കും എതിരെയുള്ള അഴിമതി, ക്രമക്കേട്, കർത്തവ്യവിലോപം എന്നിവ സംബന്ധിച്ച പരാതികൾ ഇവിടെ നൽകാം. റിട്ട. ഹൈക്കോടതി ജഡ്ജിയുടെ നേതൃത്വത്തിലാണ് ഈ സംവിധാനം പ്രവർത്തിക്കുന്നത്.

പഞ്ചായത്ത് ഭരണസമിതി എടുക്കുന്ന തീരുമാനങ്ങൾ, നൽകുന്ന വിവിധ നോട്ടീസുകൾ, കെട്ടിട നിർമ്മാണ അനുമതി (പെർമിറ്റുകൾ) ഉൾപ്പെടെയുള്ളവയ്‌ക്കെതിരെയുള്ള അപ്പീലുകളും റിവിഷൻ ഹർജികളും സമർപ്പിക്കേണ്ടത് ട്രിബ്യൂണലിലാണ്.

മുഖ്യമന്ത്രിയുടെ പൊതുജന പരാതി പരിഹാര സംവിധാനം (CMO Portal) വഴി വികേന്ദ്രീകൃതമായി പഞ്ചായത്ത് തലത്തിലുള്ള പരാതികൾ നേരിട്ട് അയക്കാം. കൃത്യമായ സമയപരിധിക്കുള്ളിൽ ഇതിലൂടെ നിങ്ങൾക്ക് മറുപടിയും പരിഹാരവും ലഭിക്കുന്നതാണ്.